الفريق حميدتي أنت مش جزء من الحكومة؟؟

<p>الساحة السياسية السودانية مستفة بغريب وعجيب القول والتصرفات، مافي داعي نعيد ونكرر إن ساسة السودان كذابين وماعندهم وطنية ده موضوع مفروغ منه؛؛؛ أرجع لعجائب الساحة السياسية السودانية، فهي تعج بما أقصده، طيب هذه الحكومة الفاشلة لم تعتلي هذه الكراسي بالهينة، المهر كان غالياً لكنها كانت دون طموحاتنا، والغريبة فاشلين وشايفين روحهم مجتهدين وشغالين شفتوا كيف؟؟ يللا الأعجب من ده كلوووو هي تصريحات الفريق حميدتي كل كم يوم ينتقد الحكومة ويوصمها بالفشل، وقاعد للوزراء في العزيزة وشغال توبيخ وزجر، يللا دايره أذكركم أن حميدتي ده هو نائب رئيس المجلس السيادي، واخفقوا فيما يلي مهام الجانب العسكري من حفظ أمن البلاد، وكسلا تحكي عن تقصيرهم، واخفقوا فيما يلي التهريب ومحاربة تجار العملة، ومحاربة تهريب الذهب،،،،، والفريق حميدتي هو رئيس الآلية الاقتصادية، ولم نر أي تحسن في اقتصاد ولا معيشة، بل الحال ماشي من سيىء إلى أسوأن، الشعب أصبح ساكن في الصفوف، يعني أخفقت في الجانب ده برضو، والفريق حميدتي هو رئيس وفد تفاوض الحركات المسلحة، وده ماسلام ليك يا سعادتك ده خضوع وانكسار وهرجلة وظلم بيِّن لباقي ولايات السودان، وأعرف أن السودان مادارفور وبس، وأعرف أن السودان كله مهمش وفقير، طيب ليه طالب دارفور يقرأ مجان، وتراك مشيت الشرق وشفت الفقر العلي أصولو، عملت شنو من الوعود القلتها ليهم؟؟ يللا دايره أعرف على أي أساس أنت بتنتقد الحكومة وأنت جزء من فشلها، على أي أساس بتنتقد وأنت جزء من حكومة فاقدة لمصداقيتها، حكومة كذابة زادتنا هماً على همومنا، وشمتت فينا الكيزان جهاراً نهاراً بعدين دايره أسألك أنت قلت بالفم المليان نحن فشلنا طيب قاعدين لي شنوووو ؟؟؟<&sol;p>&NewLine;<p>آخر لحظة<&sol;p>&NewLine;