(البعاتي الأول) الفاشل حمدوك وزمرته الوضيعة يحلمون بالعودة لحكم السودان.. أيها الموقعون أدناه….. عبدالله حمدوك …محمد الفكي….محمد حسن التعايشي…خالد سلك…ياسر عرمان…نصر الدين عبدالباري… نصر الدين مفرح…الهادي محمد إبراهيم….. والله (نفسكم) فااااتحة بشكل مخجل …فعلا… إذا لم تستح فاصنع ما تشاء….إذا دا المنطق عندكم…معناها ( يا عمر البشير تعال رااااااجع) !!!!!!…أنتم حكومة( محلووووولة) بأمر الشعب الذي انحاز له (الجييييش)…(ومعليش معليش عندنا جيش) وفوووووق لي دا كلو كمان رئيسكم قدم (استقالته)!!!!!! يا (الضهبانين) اعقلوا.. شوية… دا حكم ما لعب عيال… (المي حار مو لعب قعوي).……..من أنتم ؟!!….ومن تخاطبون ؟!!!….وأين أنتم الآن؟؟!! ولماذا هربتم جميعا من السودان؟!! ….لقد أوردتم في خطابكم( الفضيييحة)..(أنكم أعضاء الحكومة السودانية التي تشكلت (بموجب) (الوسيخة)الدستورية في عام 2019….نعم لقد سماها الشعب السوداني هكذا .. لأنه أدرك (فشلها وفشلكم )الذريع (بالتجربة) في حكومتك الأولى والثانية يا (حمدوك المستقيل عن فرصة الحكم)…كدي النسألك ..أول حاجة أنت قدمت استقالتك عن الحكم ليييه ؟؟؟ طالما أنت مكنكش فيهو كدا.. بقت عليك حكاية( الكديس الدفق عشاه) …ولن يرجع اللبن المسكوب ولن نرضى بحكومات منفى …ولن يحكمنا البعاعيت…..انتهى ….طيب…. أيها( المستقيل)…. أنت بحكم إنك كنت رئيس (حكومتك)التي صرحت (أنت) عن حاضنتها السياسية بأنها لم تسلمك برنامجا للحكم….إذن ماذا أفادتك تلك (الوسيخة) وكيف تكون دستورية وهي لم تصدر عن مجلس تشريعي ( منتخب)؟؟!!! …أيها الموقعون (الفارغون) لقد جئتم بكذبة كبرى للحكم…(قام من نومو ولقى كومو)..جئتم على ظهر الثوار الطاهرين النبلاء الصادقين المخلصين للوطن…واختطفتم ثورتهم… وسنح لكم القدر بفرصة في حكم السودان ما كنتم تحلمون بها !!!!..ولكن لحكمة بالغة…..قدرها الله…….قد عرفها وعلمها وأدركها تمااااااما. الشعب السوداني العظيم معلم الشعوب…. عرف خلال فترة حكمكم أنكم….. حااااقدون .. ما تسللتم للحكم (خفية) إلا ..للانتقام… وطمس الهوية السودانية ومحو الدين واللغة ومسح التأريخ. وتغيير القوانين…بسن ما يخالف الدين والشرع…وناصبتم الله العداء…والشعب السوداني ينظر مذهول ويرصد بدقة….لقد ناصرتم المثلية والسحاق و(النسوية) ذات الأجندات المعادية لموروثات الأمة السودانية وجعلتم لهم حقوق تنادون بسنها…في حكومتكم دمرتم التعليم وجمدتم الجامعات وهدمتم الصحة ورفعتم الدولار من 60 إلى 400 ودفعت( أنت) (أيها المستقيل)… أفشل رئيس ورزاء في العالم .. 350 مليون دولار لأمريكا (تعويضا)…المدمرة كول….التي لم يثبتها القضاء الأمريكي نفسه…جئتنا أنت أيها (القشير الاقتصادي) الفاشل وقد (تربعت) قمة الفشل بتعيينك للمجرم العميل الإرهابي (البعاتي الثاني حميدتي) رئيسا للجنة الاقتصادية…. هنا عرفك الشعب السوداني..أنك موية من (تحت تبن) فخرج الشعب في أمواج هااااادرة وتظاهرات كااااااسحة يملؤون الطرقات في كل مدن السودان ..وقد رصدت فضائيات العالم هتافاتهم ( بالصوت والصورة حمدوك طلع ماسورة)….كرهك الشعب وكره كذبك وخداعك وضعفك وقلة حيلتك وتغولك على الحكم وأنت فارغ الفؤاد والعقل والروح والنفس من تطلعات وأحلام الشعب السوداني غير أنك جئت بسيدك فولكر(الآمر الناهي) في عهدك وبعثته المشؤومة وفتحت السودان للسفارات على مصراعيه… فعاثوا فسادا في الديار كأنها كلأ مباح ….وضاعت هيبة السودان…. وانتهكت سيادته في حكمك المشؤوم….اعلم أيها( الحالم المستقيل) أن ((ما )) يسمى بحمدوك قد (مااااات) في نفوس الشعب السوداني…..والميت لن يبعث إلا يوم الحساب للحساب….ونحذرك من حلم البعاعيت….اصح يا (حالم)..وتذكر مرة ثانية خروج الشعب يملأ الشوارع والطرقات والباحات والساحات و وتضج أصواتهم وتهدر حناجرهم وهتافاتهم ( بالصوت والصورة حمدوك طلع مااااسورة).و (السودان دولة حرة يا فولكر اطلع بره)…..فانحازت قوات الشعب المسلحة الباسلة العظيمة الفخيمة صمام أمان السودان….انحازت لصوت الشعب الذي اعتصم أمام القصر الجمهوري… إلى أن قدمت (استقالتك) وتم حل حكومتك الفاشلة الكسيحة وأذنابك الهوانات .عزلكم الشعب بصوته الجهوري …. وشرعية الشعب…أنهت حكومتك التي لم تنجز غير الجوع والمرض والجهل والهوان والخنوع والذل. و9 طويلة… وباعترافك حين قلت ( لم ننجح ولكننا لم نفشل )…أنت لم تنجح وفشلت بكل المقاييس…ما الذي يبقيك في حكم شعب السودان الذي (عجنك وخبزك) وعرف ( الفيك)….فأنت سايقنك بس… لا بتهش ولا بتنش… ولم تحقق إنجازا واحد لصالح الشعب السوداني الذي أعطاك فرصة من ذهب فضيعتها وضيعته معاك….فأنت زول (مهزوم) و(مستقيل) ما بتنفع معانا تاني…ريح نفسك و(تناسى) الكابوس دا…لأنو في أصوات كاسحة تنادي (بمحاسبتك) محاسبة عسيرة جداا… كحاكم تولى الحكم عامين وفشل فشلا ذريعا مدمرا للوطن …. فالحمد لله الذي أذهبك عنا وعافانا…..فقد خدعتنا بأحاديثك (المنمقة) (المموسقة) من شاكلة سنعبر وسننتصر فانخدعنا لك وصدقناك…اعلم أننا قد تعلمنا في مناهجنا القوية من نبينا الكريم( المؤمن لا يلدغ من جحر واحد مرتان)….فلن تخدعنا أهازيج… المجد للساتك… وأيها الشعب الأسمر ….اعلموا أيها الموقعون…أن الشارع الذي تسلقتموه واختطفتموه….قد وعى الدرس تماااااما….واليوم الشعب يهتف (جيش واحد شعب واحد)…..(معليش معليش فوضنا الجيش….قحاتي يا موهوم كل البلد خرطوم )…..(حمدوك يا سكران كل البلد برهان) …. اعلموا أيها الهاربون أن الثوار الآن ملتحمون مع الجيش في معسكرات الكرامة…..دفاعا عن..( بقاء الدولة)… التي فرطتم فيها…وأسلمتموها وشعبها لحرب الإبادة والتغيير الديمغرافي والغزو الخارجي..الذي كنتم (أدوات له)…وقدمتم المهمة بنجاح. بل بامتيااااااز……أما كفاكم هذا…؟!!! ألم تشبعوا بعد من دمار السودان وأهله….وبلا خجل!!!!!. تنادون على لسان ناطقكم الرسمي…جعفر حسن..في تصريحات لإحدى الفضائيات. أن تصنيف الدعم السريع جماعات إرهابية لن يساعد في إيقاف الحرب.!!!!!!!…..عجبا …….أيها. الموقعون الفاشلون أنتم ترفضون تصنيف الدعم السريع (جماعات إرهابية). ونحن (كشعب) سوداني ذقنا ويلات ومرارات حربكم وتجرعناها كؤوسا (حنضلية)… شرطنا الأول لحكمنا هو…. تصنيف الدعم السريع (جماعات إرهابية)… ولو قدرتوا تجوا راجعين السودان تااااااني !!!! …عندنا شروط كتييييرة..ستعرفونها في حينها و.الديمقراطية الحقيقية التي نعترف بها نحن الشعب السوداني (المحارب) من قبل (الجماعات الإرهابية ) ومن (عاونها)…داخليا وخارجيا….شرطنا للحكم هو صناديق (الاقترااااع) ….فااااشنوووو .انتظروووا الانتخابات بس يا بعاعيت وانظروا ….هل ستبعثون ؟؟!!!!..وإنا معكم ناظرون. !!!!.
آمال كباشي
امال كباشي تكتب .. حمدوك (الكديس الدفق عشاهو!!!..ولن تحكمنا البعاعيت
