ملاح الجبوري يكتب …….ملاحات …..كوشيب

<p>ملاحات &lpar;434&rpar;<br &sol;>&NewLine;ملاح محمد بشير الجبوري<br &sol;>&NewLine;123102717&period; 912247358<&sol;p>&NewLine;<p>زمان لمن الواحد يسمع له اغنية وطنية شعر جلده دا بقيف شعرة شعرة؛ ياخي الاغاني و الاناشيد الوطنية دي كانت بتعمل فينا عمايل النجار في الخشب ما سواها؛ النجار ولا الكبار؟<br &sol;>&NewLine;الكبار دا شنو يا ملاح الدين؟ ياخي انتو مالكم ما ناقشين كدة؟ مش الزول البنجر الحطب اسمه نجار؟<br &sol;>&NewLine;و الزول البجزر البهايم اسمه جزار؟<br &sol;>&NewLine;بسكم الكبار دا الزول البكبر الشجر؛ يا شجرنا كبروه جنس كبير و انحنا مركزين مع الشد و الجزب بين المدنين و العسكرين و لمن نرجعوا لصوابنا بنلقوا غاباتنا بقن صحراء،؛ ياخي العالم شغال زراعة تقيلة و شتل جد؛ و انحنا شغالين قطع و حفر، و طبعا حفر لحفر بفرق؛ ناسنا التشفوهم فوق ديل اي واحد فيهم راقد له في راي، و اي واحد متدبي للتاني؛ هسه كلاموا كي &lpar;كوشيب&rpar; دا براه قنع من خيرٍ فيها و طعن المحكمة دي كوكابية؟ لو تحول كوشيب من متهم إلى شاهد فهنا معناتو وراء الشغلانة في إنّ و دا بؤكد ظنوني، ياخي ناسنا ديل زي اللاعبين &lpar;حريق&rpar; اي زول لاعب صالح ورقه و لو اتحيت له اي فرصة بنزل 130 و بخلي الباقين معنقلين زي جريوات التبلدي؛ ياخي يومتى لقيت مقال بتكلم عن فوائد التبلدي استغربت والله، المقال طلّع ليك من القنقليز الف حاجة، و ما حاجات ساكت بل علاجات و كمان لامراض مستعصية؛ ياخي لو بدلنا حفرنا لبعض دا بحفر الارض و تخضيرها لوصلنا غايتنا في زمن محدود؛ عندنا ناس حفارين بواكلن بس؛ و العجب الشتالين ياخي ديل زي مكنات شتل النجيلة؛ الواحد بيعرف كيف يكب السم في الدسم؟ و العجب لو بقى زول كبير شوية و ملم بشوية معلومات ياخي بدل يسخر معلوماته لمنفعة البلد و الوطن يقوم يسخرها لمصالحه و اسرته و معتقداته؛ يا ناس مافي تاريخ بنبني الان، و الجعجة الاسفيرية دي ما بتغيير فيك حاجة، و الواتس اب عمره ما صنع قائد ولا حيصنع شي؛ ياخي بستغرب جدا لمن القى ناس في قروب واتس اب يقرروا ليهم في امر قبيلة او امر وطن؛ و بصل من الاستغراب مرحلة الاندهاش لمن يقولوا لي عندنا اجتماع في القروب الفلاني عشان نعمل للعلانيين ديلك كذا و كذا؛ يا عمك الفضاء الاسفيري كله واحد و اسهل شي انك تخترق قروب لتتحصل على معلوماته؛ فاي شي يدار هناك معناته لابدة و فسيتها برة؛ فلمن يواجهوك بصوتك ابقى قدرها و ما تقابض الرغو؛ ياخي مالو ما يكون هدفنا واحد هو الوطن و بس و تحركنا الاغاني الوطنية زي زمان؛ فبدل &lpar; قنبلة حلاة الزول في الطول و العلا&rpar; نطرب لي &lpar; نطرى نجوانا و حبنا العزري و الوفاء مغروس فينا من بدري&rpar; و بدل &lpar; الطاغية الامريكان&rpar; نردد &lpar; سامشي رافعا راسي؛ بارض النبل و الطهر؛ و من تقديس اوطاني حبا في دمي يجري&rpar;<br &sol;>&NewLine;الأوطان تبني بالحفر و الشتل و لكن ما زي حقنا دا&excl;&excl; شتل حقيقي بدل النيم و شجر الزينة دا تعالوا نغرسوها منقة و تبلدي و شوفوا لو تاني زول قدر يلوي يدنا؟؟؟<&sol;p>&NewLine;<p>خالص ودي<br &sol;>&NewLine;ملاح محمد بشير الجبوري<br &sol;>&NewLine;molaha1976&commat;gmail&period;com<br &sol;>&NewLine;ابوزبد يونيو 2020<&sol;p>&NewLine;