ملاح الجبوري يكتب ….ملاحات…..ترس عكسي

<p>ملاحات &lpar;335&rpar;<br &sol;>&NewLine;ملاح محمد بشير الجبوري<br &sol;>&NewLine;123102717&period; 912247358<&sol;p>&NewLine;<p>انا عارف فيكم ناس كتااار قروها ترس؛ من التتريس المقصود به قفل الشارع و شل الحركة ؛ لا لا انا ما قاصد هيك؛ طبعا الكلمة دي &lpar; هيك&rpar; سمعتها من العيال الصغار و لمن نسمع لي كلمة زي دي و من جيل قادم بنزعج لانها بتعني لي انجرار وراء لهجة ما حقو نتعلموها لانها هي اقل من لهجتنا بكثير و اكثر ركاكة منها؛ اكثر حاجة بتضايقني لمن القى لي واحدة تقول لي &lpar; عن جد&rpar; و كمان معاها لوية شلوفة كدة، والله لو ما بنعل ابليس اشطمها ليك كف لمن عينها تورور نار؛ هوي يا ملاح انت عاد قايل الدنيا دي زي زمان اي زول بربي من طرف؟<br &sol;>&NewLine;زمان لو كنتم في الداخلية و جا زول من حلتكم بطريق الصدفة للمدينة الانتو فيها لازم يزوركم و يسلم عليكم كللللكم و يغمد ليكم واحد واحد و اي واحد عنده مشكلة لازم يحلها ليهو؛ و بنفس القدر لو لقى واحد فيكم غلطان بقعده في علبه بالصورة التي يقتضيها الموقف؛ كان اي زول كبير هو وليك و مافي حاجة اسمها دا ود فلان ولا ود علان؛ يعني جيت اي ملم تشوف اقدميتك وين؟ ولو وسوست بتتهربد هربيدة جرن، في مرة من المرات و في الضراء في ضيف لمن ركب في حماره قال لي &colon; يا جنا نسيت كعازي دا ناولني ليه؟ جيت لقيت العصاي كثار فقمت سالتهم &colon;يا ناس كعاز الضيف دا وينو؟ من غبر ما اسعر جاني ليك مركوب طاااير تيماهوك بس؛ اجاوزته باعجوبة و بعده نترة قوية &colon; &lpar; كعاز ولا عكاز&rpar;؟<br &sol;>&NewLine;بعدما عديت الضيف جيت راجع و باسلوب فيه شي من الرجاء و قلت ليهم يا ابهاتي ترا دا الضيف القال كلمة كعاز و انا لقطتها منه؛ فانتهرني واحد من ابهاتي خلاف الفناني قبيل بالمركوب و قال لي كن الضيف غلطان انت داير تبقى مثله؛ عرفت من خلال كلامهم دا انهم كلهم متفقين و رائيهم واحد و اي تصعيد في المشكلة دي بكون مافي صالحي، سحبت قواتي براحة و ادركت انو الصاح صاح واي تخريمات او خرمجات بتوديك في داهية؛ يعني هسه ابهاتي ديل كن كانو حيين و جات واحدة من بناتهم قالت ليهم عايزة المصراي؟ شو البتعمل معاها؟<br &sol;>&NewLine;عندنا واحد زي ما يقولوا متفلقس شوية و جا سلم لعمتنا و سالته &colon; يا ولدي امك كيف؟<br &sol;>&NewLine;قال ليها منيييبحة،<br &sol;>&NewLine;ردت عمتنا دي بكل عفوية &colon;يا خرابي ييييييي و المرضة دي لمت فيها وين؟ طبعا عمتنا مفتكرة كلمة &lpar;منيحة&rpar; دي مرضة جديدة مثل الإيدز و حمى وادي النيل و الكورونا، و طبعا اغرب حاجة انو الكورونا في كل العالم ماشة تنخفض و عندنا انحنا في تزايد؛ انتو ما ملاحظين انو انحنا ديل ماشين عكس العالم؟&colon;<br &sol;>&NewLine;لمن كان العالم ما مهتم بالزراعة و الاقتصاد انحنا انحنا كان عندنا مشروع الجزيرة و كنا الاول زراعة القطن؛ و اكبر سوق للصمغ العربي في العالم؛ و اكبر مصنع سكر؛<br &sol;>&NewLine;و لمن العالم توجه للانتاج انحنا صفينا كل مشروعاتنا المنتجة و انتظرنا العالم ياكلنا ،،،&period;<br &sol;>&NewLine;لما كان العالم متشرزم و دويلات انحنا بنغني &lpar;انت سوداني و سوداني انا،<br &sol;>&NewLine;ضمنا الوادي فمن يفصلنا؟<br &sol;>&NewLine;قد معي لا عاش من يفصلنا&rpar;؛<br &sol;>&NewLine;بهذه الشعارات تجاوزنا كل المرارات،<br &sol;>&NewLine;متحدين؛<br &sol;>&NewLine;متقاسمين الحلوة و المرة،<br &sol;>&NewLine;راقدين متجاورين ابيضنا و اسودنا كالنيلين تجمعنا الخرطوم دون هوية او لون<br &sol;>&NewLine;او غرق<br &sol;>&NewLine;او انتماء حزبي؛<br &sol;>&NewLine;و لمن العالم اتجه للوحدة و توحدت ألمانيا بعد طول شقاق؛ انحنا انشقينا و لسه ناوين نشق اكثر؛ صاحبي و اخوي و سميي الاكبر &lpar; ملاح بشير ملاح&rpar; لمن يشوف له حاجة معاكسة للحاجات او زول عكس الناس بقول الزول دا تِرس عكسي؛ فالتِرس العكسي دوما بلف عكس باقي التروس ليحركها تمشي في الاتجاه المطلوب و بكون ماشي في الاتجاه المعاكس ؛ فهذه حالتنا اراد قدرنا ان نكونوا تروس توجه العالم للاتجاه الصاح و نحن نمشوا خطأ،و اغرب حاجة انو انحنا ترس كبير يحرك العالم و بداخله تروس كثير تتحرك لمصالها و تغيير مجرى الترس متى ما اراد التوجه مع التروس العالمية، فاي خطوة يخطوها العالم نحو التقدم انحنا بنخطاها نحو التخلف، مالم نصلح نفوسنا و نحدد اهدافنا بدقة و نرتبها حسب حوجتنا حنظل نحرثوا في البحر، الان مشكلتنا ما مشكلة تجار عملة ولا كتايب ظل ولا تفكيك نظام ، بل مشكلتنا مشكله إنتاج؛ فلكي نعدل مسارنا العكسي و نمشي مع العالم في اتجاه واحد يلزمنا دعم الانتاج و توجيه الزراعة لتسهم اسهام فعال في الصادرات لتختفي فجوة ميزان المدفوعات الامر الذي ينعكس ايجابا علي سعر الصرف،<br &sol;>&NewLine;نغرس<br &sol;>&NewLine;نزرع<br &sol;>&NewLine;نشتل<br &sol;>&NewLine;دا المخرج<br &sol;>&NewLine;و ما تنسوا لازم نغيروا التروس الكبيرة الاتشرمت و بقت خميرة عكننة دي،<br &sol;>&NewLine;قولوا و كلنا سوا &colon;<br &sol;>&NewLine;نزرع بس<br &sol;>&NewLine;خالص ودي<br &sol;>&NewLine;ملاح محمد بشير الجبوري<br &sol;>&NewLine;molaha1976&commat;gmail&period;com<br &sol;>&NewLine;ابوزبد يونيو 2020<&sol;p>&NewLine;