ملاحات …..ملاح محمد بشير الجبوري:العيد المر

<p>ملاحات &lpar;450&rpar;<br &sol;>&NewLine;العيد المر<br &sol;>&NewLine;زيي و زي اي زول فيكم بحسب و برتب في اموري للعيد؛ فكان من المصادفة عندي زواج بت اختي بت ابوي في السنوطظ<br &sol;>&NewLine;دا شنو هسه كلامك دا يا ملاح جملتك دي كلها ما بتنفهم؛ خليك من باقي الناس هسه انت سيدها فاهمها؟<br &sol;>&NewLine;اصبروا نوقعها ليكم &colon;<br &sol;>&NewLine;بالدراجي كدة اختي &lpar; خديجة ملاح بشير&rpar; بتها &lpar; شادية&rpar; عرسها ثالث عيد؛ و السنوط دي واحدة من محليات غرب كردفان الاربعطاشر و هي محلية السمك و العجور و الطماطم؛ ياخي اي زول شاف موية السنوط و اراضي السنوط بعرفنا انحنا السودانين ديل اكثر ناس كسلانين؛ ياخي دا تراب لو زرعت فيه اي حاجة بتقوم و لليوم دا لسه السنوط فقيرة؛<br &sol;>&NewLine;برضو في ثلاث ايام العيد عندي ختان ابناء اخوي &lpar; ياسر&rpar; و اختي &lpar; تيسير&rpar;<br &sol;>&NewLine;كيف يعني اخوك و اختك؟<br &sol;>&NewLine;ياسر محمد السماني<br &sol;>&NewLine;تيسير بشير السماني<br &sol;>&NewLine;بشير السماني و محمد السماني ديل اعمامي و ام ياسر اختي و ام تيسير خالتي و زوجتي سارة بشير السماني؛ عليكم الله هسه عيالي ببقوا لعيال ياسر شنو؟<br &sol;>&NewLine;و ببقوا لعيال تيسير شنو؟<br &sol;>&NewLine;ارجوا الاجابة بوضوح كدة&excl;&excl;&excl;&excl;<br &sol;>&NewLine;ياخي انا و ناس بيتنا قعدنا و حسبناها كداااااا يا يا ربي نبداها من وين؟<br &sol;>&NewLine;نمشوا كدام و نجوا راجعين السنوط؟ ولا نمشوا السنوط و طوالي كدام؟<br &sol;>&NewLine;اتغالطنا و ما اتفقنا؛ و قلنا نخليها للزمن؛ و ما اتناقشنا في موضوع &lpar;صديق&rpar; لان دا سادس عيد و في الدبيبات و ممكن نتناقش فيه في إحدى الفرحين؛ صديق دا صديق بشير ملاح بطل قصص الملاحات الاولى؛<br &sol;>&NewLine;يوم الثلاثاء القبل العيد و انا دايما بمشي من البيت للمكتب كداري؛ و عندي دا اهم مشوار لان المسافة من البيت للمكتب اكثر من نص ساعة سيرا على الاقدام؛ و طبعا مع الصباح لمن اكون ماشي براي بونس نفسي لمن اضحك؛ و بخدر كم مشروع في المشوار دا؛ و دوما بتكون بداية الملاحات من هنا؛ ياخي اليوم دا ما ظبط معاي اي مشروع؛ و اي ونسة ابداها مع روحي بلقاها قديمة؛ و حسيت اني ما طبيعي؛ و اول ما وصلت المكتب طلبت جبنة و شاي و جبنة و شغال و متوتر؛ ما طلعت الفطور ولا عندي نفس فيه ؛ فكرت في الكتابة غلبتني و بعدما صليت الظهر و لسه الحال في حاله قلت ارسل عمود الملاحات و كانت الملاحات 449 جاهزة في أثناء الاشارة للارسال امي ضربت لي؛<br &sol;>&NewLine;خليت الجرس ينتهي عشان ارجع ليها و لكنها واصلت تاني؛ قلبي قرصني قبال افتح؛ و لمن فتحت سمعت عويل نسواااان كثااااار<br &sol;>&NewLine;ياخي دار في راسي الف حاجة و ماني سامع صوت خلاف العويل؛<br &sol;>&NewLine;طبعاً في الحالة دي &colon;<br &sol;>&NewLine;الثانية بتكون زي الدهر؛<br &sol;>&NewLine;و حاسي بجسمي دا ما شايلني؛<br &sol;>&NewLine;و اضنيني بسون زنننننن؛<br &sol;>&NewLine;و العرق زي المطرة؛<br &sol;>&NewLine;عصرت على نفسي و طرقت اضنيني و قلت للطرف التاني الحاصل شنو؟<br &sol;>&NewLine;جاني صوت امي بهناك مبحوح و قالت لي &colon; يا ملاح سميك ملاح جلال اتوفى؟<br &sol;>&NewLine;قلتي شنو يا يمه؟<br &sol;>&NewLine;قلت ليك ملاح ود اختك &lpar;منال&rpar; المسمياه عليك مات؟<br &sol;>&NewLine;لا حولا ولا قوة الا بالله العلي العظيم<br &sol;>&NewLine;دا اخر شي ممكن اتوقعه و لو كانوا قالوا اتوقع من المتوفي فلو حسبت للصباح ما حاذكر ملاح جلال؛<br &sol;>&NewLine;ما عارف قطعت المسافة كيف بين المكتب و البيت لكن طول المسافة بشوفه امامي &colon; بشوفه مبتسم<br &sol;>&NewLine;بشوفه لمن اقول له انا داير اغير ليك اسمك يصر لي و لمن ابتسم بقول ليه انت ما غيرت اسمك لشنو؟<br &sol;>&NewLine;اشوفه لمن انهيه عن فعل شي و يقول بدون اي تفكير او عناد حاضر يا خال؛<br &sol;>&NewLine;جانا فخري و كلنا شدينا الرحال لكدام و بدل نمشوا ثالث عيد مشينا قبل العيد بثلاثة ايام؛<br &sol;>&NewLine;و بدل نمشوا بدلاليكنا و زغاريدنا مشيناها بدموعنا و عويلنا يجيب الضهبان؛<br &sol;>&NewLine;عمر الانسان لا يُقاس بسنين حياته؛ بل يُقاس بما فعله في هذه السنين؛ فالمرحوم هذا لم يكمل عامه الرابع عشر و لكن بكته كل كدام و من جاورها &colon;<br &sol;>&NewLine;بجيك شيخ كبير يقول ليك كنت وارد فلقيت المرحوم نزلني من حماري و ورد لي؛<br &sol;>&NewLine;تجيك مراة عجوز تقول ماشة السوق فالمرحوم جري جاب لي مرسالي و جاني في رمشة عين؛<br &sol;>&NewLine;و اعجب الأشياء ان المرحوم كان له فترة طويلة جدا غائب و جا من الابيض يوم الثلاثاء الساعة حداشر و اتوفى غرقا الساعة الواحدة و في ظرف الساعتين ديل سلم لمعظم سكان الحلة؛<br &sol;>&NewLine;بحكي عمك كبير كدا قال انا زي كنت نايم قمت مبهوت علي اثر صياح شفع الحي و لمن سألتهم قالوا لي دا ملاح جلال جا من الابيض و الشفع اتلقوه؛<br &sol;>&NewLine;سبحان الله &colon; كنا بنحسب في اي الافراح نهجج و كلٍ منا يتناجى داخليا مع نفسه في طريقة عرضته في عرس بت اخته في السنوط و في فرح أبناء اخوانه بكدام و في زواج اخوه بدبيبات و لكن انحنا بنحسب حسابات و القدر بحسب حسابات اخري؛<br &sol;>&NewLine;كل اسرتنا و بي ام العروس&lpar; خديجة&rpar; و العريس &lpar;صديق&rpar; و والدي العرسان &lpar;ياسر و تيسير&rpar; اتجمعنا في كدام و لكن اجتماع اخر&colon;<br &sol;>&NewLine;فبدل الزغاريد كان النواح؛<br &sol;>&NewLine;و بدل الغناء كان الصياح؛<br &sol;>&NewLine;و بدل تهاني العيد كانت الدموع؛<br &sol;>&NewLine;هكذا كان عيدنا و هكذا الايام كثيرا ما نستعد للافراح و فنتفاجى بالاقدار؛<br &sol;>&NewLine;ربنا يصبرك اخي جلال؛<br &sol;>&NewLine;ربنا يصبرك اختي منال<br &sol;>&NewLine;ربنا يصبرنا جميعا و يتقبلك يا ابني ملاح قبولاً حسناً و يسكنك فسيح جناته مع الشهداء و الصالحين و حسن اؤلئك رفيقا و ان بجعلك شفيعا لوالديك و يبدل شبابك الجنة<br &sol;>&NewLine;إنا لله وإنا إليه راجعون<br &sol;>&NewLine;و كل عام و انتم بخير<br &sol;>&NewLine;خالص ودي<br &sol;>&NewLine;ملاح محمد بشير الجبوري<br &sol;>&NewLine;ابوزبد أغسطس 2020<&sol;p>&NewLine;