كتب احد النشطاء على الفيسبوك:
تداول نشطاء في وسائل التواصل الإجتماعي صورة لشرطي مرور عند استوب التيجاني الماحي حيث كتب أحد النشطاءاليوم الأحد وانا طالع في الشارع تقاطع التجاني الماحي الإشارة بتاعة المرور مكسورة واقعة . جاء بتاع قلاب وقف في الاستوب . بتاع المرور مشي عليه . انا افتكرته ح يعمل ليه مخالفة ولا حاجة . لكن فجاءة بتاع القلاب بقي يستعدل في عربيته ووقفها بالخلف جمب الإشارة. بتاع المرور مشي ل بتاع ركشة جمب الموقف وشال منه زردية وجاب ليه سلك وطلع في ضهر القلاب وبدأ يربط في الإشارة. يا سلااااام والله فتح لي نفسي من الصباح . زي الزول دا من الناس البكونوا مؤثرين في المجتمع ومجتهد في عمله. ولو كل زول في محله بس بكون زي الشاب دا والله كان مشينا لقدام . مع العلم انه دا ما شغله نهائي. ..ربنا يصلح حالك زي ماصلحت الاشارة دي