] قول قلنا لشفعنا المولد بدعة.
] وإتخارجنا من كيلو الحلاوة أبو مليون.
] وإتخارجنا من حصان المولد أبو مليون ونص.
] الجمل في المولد حصل قريب تلاتة مليون .
] أما العروس.
] لو ماجبت أهلك وناسك وبنكك.
] عليّ اليمين مايدوكم .
] بقولوا ليكم دايرة تقرأ.
] تقرأ وتستبرا .
] ده زمن قراية؟.
] الطالب يشيل خمسمية الف جنيه.
] عشان يفطر طعمية.
] وباقي الخمسمية يمشي جيوب الكمسارية.
] قول قلنا لأولادنا المولد بدعة وإتخارجنا .
] المدارس كيف؟.
] برضو نقول ليهم بدعة؟.
] المدارس هينة.
] الرغيف ده برضو بدعة؟.
] أما العلاج.
] فما في مخارجة منو إلا نقول لأولادنا العلاج حرام شرعاً وشرك .
] ضاقت شديد.
] وكلما تضيق شديد.
] لانملك إلا أن نرفع الأكف لله من جديد.
] ندعي على أي فاسد كان له دور في شكل حياتنا الحالي.
] اللهم أنت عارف كلو شيء.
] ونحنا ماعافيين.
] المهم.
] السيستم فتح.
] وماعارفين الحبن ده بقفل متين.
] فالأسعار المعلنة حاجة تقرف.
] حاجة تخلينا نقول لسة الأندية دي بتدار بعشوائية.
] تلك العشوائية هي التي تعبد الطريق للسماسرة والجماجرة.
] أنه موسمهم طالما كان المشتري غشيم.
] أيها الناس.
] الأندية الكبيرة العالمية بحق وحقيقة.
] هي التي تحدد حاجتها بواسطة الفنيين المختصين .
] وهي التي تضع سقفاً لأي شيء.
] أما المزاودات فهي مجرد حركات سبابه في ملجة خضار.
] يوقفوا الدفارات بره ليكشف السوق.
] ثم يتحكمون في السعر.
] ويكسبون أكتر ممن زرع وقلع ومن سيد الدفار الجاب الخضار زاتو .
] وبعد ده.
] خضار سبابة الكورة كتير مايتجدع مع أول تسجيلات جديدة.
] وسبب الجدع قد يكون تكدس في التلاجة.
] مثلاً تملأ كشفك لعيبة وسط نصهم ما يضوق مجرد الكنبة.
] زي ديل بتدفقوا.
] وقد يكون السبب الخضار قديييييم.
] خضرة أمس مابتبيت تاني عشان تنفرك.
] تقوم تنجدع.
] وبعد الخم ده كلو.
] تنسى الليمون.
] ليمونة إلا تجيء صدفة وسط الخضار.
] لما تلقاها تفرح .
] تعصرها في الشطة لما الشطة تقول تشششششش.
] التش دي بتجي صدفة.
] وسط الرجلة الربطة والخضرة البايتة والبامبي المورم التقول قالعو دكتور أسنان.
] المهم
] لجنة التطبيع الوفاقية أتشكلت ولا لسة؟.
] ولا أاااااااا .
] ما أجلوها عشان إجتماع الفيفا.
] طيب إجتماع الفيفا قام ولا لسة؟.
] ولا اااااااا.
] الشبكة كعبة.
] أيها الناس.
] إن تنصروا الله ينصركم.
] أها .
] نجي لي شمارات والي الخرتوم.
] كان شفت يا والينا .
] قالوا دايرين يفتحوا المدارس لينا.
] مدارس بالما يا والينا؟.
سلك كهربا
الانتباهة