طلبت احدى رواد مواقع التواصل الاجتماعي راي المتابعين في مشكلة حدثت مع شقيقها ببيت زوجها وكتبت 🙁 اقسم بالله اقول الحق
انا اتزوجت وزي اَي متزوجين اجرنا شقه استوديو يعني غرفه وصاله صغيره جدا يلا بعد ١٥ يوم اخوي جاني وجاب ملابسو عشان اغسلا ليهو غسلتهم وبات معنا اطرينا نخلي ينوم جوه في الغرفه واحنا فرشنا في الأرض في الصاله بكره لمن صحي طلع وخلي شنطتو قاعده معنتا ح يجي راجع يبيت هنا المهم في موضوع كده حصل جاء شال شنطتو ومشي بعد داك زوجي سافر بري السودان وبعد سنه جاء ايجازه شهر وأجرنا برضو شقه صغيره قامً اخوي دا جاء قعد معنا ٤ أيام وقاعدين ننوم انا واخوي وزوجي في نفس الغرفه انا افتكرتو ح يمشي سالتو بطريقه غير مباشره فهمت منو انو قاعد قمت قلت ليهو انت مش قلت راجع بعد ٤ أيام شكلو أتحسس وشال ملابسو ومشي والي يوم الليله عامل نفسو زعلان هل أنا غلطانه انا كنت خجلانه من الموقف يعني مافي شي يخلي يسيب بيتنا ويجي يقعد لو الشقه واسعه بشيلو في عيوني لكن غرفه وحده