كتبت الصحافية سهير عبد الرحيم : جيبو كراسيكم وتعالو
المره دي شاهد العيان أنا دي :
قبل ساعتين كدا طلعنا علي جهة شارع الشنقيطي ماشين علي صابرين وصلنا الظلط فجأة جو كمية بتاعة جيش كمية كبييييرة شديد ما بتشاف آخرها وين .. والله يخواننا سايقين 2 جامبو مليانين دعامة وكمية بتاعة بكاسي مجدعنهم فيها زي الخرفان وكمية غنائم ماليها حد من بكاسي موديلات جديدة ممسحة بالطين ومواتر أنا من فرحتي بالمشهد وقفت وذغردت بأعلى صوتي والنسوان اتلمو والزغاريت حدها السماء والاولاد يصفرو .. ناس الجيش كتر خيرهم وقفوا لينا في الظلط واحتفلو معانا وضربوا ذخيره وفجاءة الموسيقي اشتغلت ااي والله موسيقي عديل والله بالله كان احتفال يرد الروح نص ساعه يمكن واقفين محتفلين والموسيقى شغاله لما سألنا من الحاصل قالوا لينا الجيش عمل كمين في أمدرمان جو ناس جنوب أمدرمان مع ناس الشمال زنقو الدعامة في النص وجغموهم كلهم .. حرفياً كمية الدعامة الاتمسكو الليلة ديل ما أقل من ألف دعامي.. والله الجيش اشتغل شغل الليله يسر القلب حقيقي يخواننا انا الليله شفت ملامح النصر بدت تظهر
سهير عبد الرحيم