هذه الأيام يعاني كتير منا هواجس وهموماً وآلاماً..
✍️طيب لحظات بس :
هل أنت في الدنيا ؟
ايوة والدنيا دي كلها راحة ؟ لا،
فيها راحة وفيها تعب..
كلها سرور؟
لا، في سرور وفيها حزن..
🌀طيب لماذا هذا الحال لشنو يعني:
🔦اختبار لك ..
🪞أو لرفع رصيدك من الحسنات بصبرك..
أو لرفع درجتك في الجنة بصبرك..
🪞أو عشان عملت حاجات غلط كتير ومعاصي محتاجين كفارة فالأيام دي كفارة للذنوب..
🪞أو لتنبيهك انو عملت حاجات غلط كتير ومعاصي عشان تراجع نفسك..
💎وهي مش ايام قتال وحرب طيب ممكن لاصطفاء شهداء ويمشوا وهم شهداء وهذا اختيار واصطفاء لمن يشاء الله من عباده..
طيب فهمت كلامك ده كلووووو ..
فقدت أموال وعربات وشركات وبيوت؟
طيب عارف ..
✍️الرزاق والمعطي والمانع من هو؟ الله ﷻ..
طيب ممكن يديك حاجاتك الفقدتها دي كلها وأحسن منها ؟
أيوة صح ممكن وهو على كل شيء قدير ..
طيب انت متوتر لشنو ؟
التفكير والهم والحاجة ..
دي كلها مشكلات علاجها شنو ؟
الدعاء والاستقامة والتوبة..
اقرأ هذه الآيات واطمئن قال الله تعالى:
﴿ولنبلونكم بشيء من الخوف والجوع ونقص من الأموال والأنفس والثمرات وبشر الصابرين (١٥٥) الذين إذا أصابتهم مصيبة قالوا إنا لله وإنا إليه راجعون (١٥٦) أولئك عليهم صلوات من ربهم ورحمة وأولئك هم المهتدون(١٥٧) ﴾
البقرة..
شوف الثواب العظيم المترتب على كل المصائب المذكورة بعد استرجاعك وصبرك..
الله يصلح حالنا وحال بلادنا وينصر جيشنا وينصر المظلومين الذين ليس لهم إلا أنت يا الله..
ثبت قلوبنا وآجرنا في مصائبنا يا رحمن يا رحيم ليس لنا إلا أنت يا مالك الدنيا والآخرة فأنت على كل شيء قدير..
✍️ د.الزبير الطيب محمد
١٢صفر ١٤٤٥هــ
#ماذا_نفعل_في_هذه_الأيام