الآن في مصر الطلاب وأولياء أمورهم يعيشون أسوأ لحظات حياتهم وأخطر أيام عمرهم..
الطلاب السودانيون القادمون من دول الخليج والسعودية في مصر عندما لجأوا للسفارة لتساعدهم و للسفير والمستشار الثقافي قالوا (نحن ما عندنا ليكم شيء). بالحرف الوااااااحد. زي ما بقول ليك كدا والله..طيب نحن نلجأ لي منو؟!!!! بلدنا الآن فيها حرب والسفير دا هو المكلف إنو يساعدنا والمستشار الثقافي دا هو المفروض يساعدنا.. القضية كالآتي يا سيادتك.. الموضوع إنو نحن قدمنا عبر (منصة تدرس في مصر)…قيمة ألفين دولار رسوم غير مستردة رسوم حجز مقعد..على أساس في اتفاقية بين دولتي السودان ومصر فيها خصم ٧٠٪ للجنسية السودانية في الجامعات.. بعدما دخلنا الجامعة وحجزنا تذاكر ودفعنا قيمة تأشيرة ٥٠٠ دولار في دول الخليج وصلنا هناك (مع إنو التأشيرة مجانية) ومع ذلك دفعناها بس عشان نلحق دراستنا وفي ناس لحدي الآن معلقة ما بين ٦٠٪ إلى ٧٠ ٪ ما قادرين يدخلوا من الطلاب بسبب موقفين التأشيرات السودانية في دول الخليج في السفارات… الموضوع الأهم موضوع الرسوم هو أن الطالب بعدما دخل جامعته وبدأ يتماشى مع الوضع اكتشف أن الخصم الذي كان على الرسوم اتلغى!!!!!
(فجأة كدا بس) فوجد الطالب نفسه في ضيق شديد… بدأت الجامعة تطرد وتطالب بدفع الرسوم الجديدة في كلية الطب. . مثلا.. وهي عبارة عن ٨ ألف دولار بدلا عن ألفين دولار في الجامعات الكبرى في السودان عندما كان الطلاب يدرسون هناك.. تفاجأوا بقسوة غير متوقعة أبدا
فالقضية هي أن هناك اتفاقية بين الدولتين. مسألة الخصم… وتم الإلغاء للاتفاقية هذه بعدما دفع الطلاب رسوم التقديم ( وطبعا غير مستردة) وبعدما الطلاب وصلوا مصر وحضروا للجامعة… اتلغى الخصم… لكم أن تتخيلوا حجم الكارثة!!!!!…يا سعادة البرهان المفروض أنها (اتفاقية ثنائية بين دولتين) … كيف يتم إلغاء الخصم !!! بعد دخول الطلاب في هذا الخضم العميق جدا؟؟!!
ألقاه في اليم مكتوفا وقال له إياك إياك أن تبتل بالماء!!!!
بعد هول المفاجأة هذه ذهب اتحاد الطلاب للمستشار الثقافي وبعد اجتماعات قال لهم (ما عندنا ليكم شيء!!!) حدث هذا (يوم الأربعاء الماضي) بعدما قال (انتو ما تدفعوا وأنا معاكم) الآاااان غير كلامه!!!!
هم يقولون متحججون
أن التخفيض كان للجنسية السودانية وين ما كانت. حتى لو من الصومال… مثلا… لكن الآن التخفيض للشهادة السودانية.!!!! … علما بأن آخر شهادة سودانية كانت عام ٢٠٢٢ م يعني هم عاوزين يلغوا الاتفاقية من غير ما ( يخلون) بها !!!!
والله دي القضية 👌🏻 الآن في أولياء أمور حصل لهم انهيارات عصبية ومنهم حصل لهم جلطات في المستشفيات.. في أولياء أمور ما عندهم القدرة…. تفاجأوا بالمبلغ. لأنه عمل لأولاده خروج نهائ من السعودية على أساس أن مصر دي (خلاص) و مصدر أمان له معيشة ومستقبل. لأن بلدنا السودان الآاان في حالة حرب ما تقدر توفر له هذه الاحتياجات المطلوبة والملحة… طيب الآن هو ح يرجع ابنه أو بنته كيف؟!! للسعودية أو أي دولة خليجية… لا يستطيع… يقول ولي أمر أنه ح يرجع ولده السودان واستعوض ربنا بيهو… ممكن يموت بأي طلقة. زي الحصل في الجزيرة… والله المستعان
هذه حرب شعواء من نوع آخر يا برهان وأنت لها… فأرنا قدرتك لحسم هذه الفوضى…. والعشم فيك كبير يا ريس يا قدير… البرهان والحسم الآن
بعث لي بهذه الرسالة المفجعة والموجعة ممثل اتحاد الطلاب السودانيين (المغتربين). طالبا منى إرسالها للبرهان وقد أبكتني بكاء مرا
فهلا استجبت لهم؟!!!