أثرت صورة واجهة القصر الجمهوري عندما دخلته قواتنا المسلحة على شاعرنا الدكتور حمد احمد رابح الذي كتب عن رمزية بقاء صورة النسر الذهبية رغم ما مرت به من صفوف الدنس الذي قامت به مليشيا الجنجويد فقال:
شعارك يا وطن فى علاه تجلى
صابر وثابت رغم قساوة العلة
شامخ فى كبرياء ايضا جميل الطلة
قاتل بضراوة رافض حياة الزلة
لونك فاقع رغم الليالى السودة
صفارك من بعيد يبشر بجمال العودة
امة السودان بتفرح بالنهوض موعودة
صفاتك نادرة فى ارث الدهب موجودة
يا صقر الجديان استحقين فى الحقيقة مكانك
فضلت عالى واصل العلو من شانك
جنود العزة جوك جباهم لامعة زى لمعانك
حقيت الاسم والنصر فى ميدانك
الشعب الاختارك شعار ما يستاهل البهديل
ماسك فى الاله دعوات بالنهار والليل
شموخك ما انكسر وصية جدودنا قبيل
تاريخك انكتب مابقبل التعديل
ثباتك فى المكان يحكى عظمة جيل
والنصر لنا مكتوب عليك عديل
ما اتنكست ولا جاتك ايادى عميل
د. حمد
21مارس 2025م