أيها القادة ال في ( العاصمة)… تحرير الخرطوم ( وقعو) ليكم الفريق في (عبكم )..!!!!!.بكسر العين .وتشديد الباء …شفتوا اللعبة الحلوة دي كيف ؟!!!….في ظهور مفاجئ و(حاسم) للقائد والريس البرهان بمعسكر كرري الثلاثاء31 / أكتوبر 2023… يعد هو الأقوى والأخطر على الإطلاق…من ناحية اتخاذ القرارات ( الناااارية )….القوية والجريئة والرادعة والحاسمة…(عسكريا) و(سياسيا)….أعطى سعادة الفريق البرهان القادة في الخرطوم ( شيك على بياض)… (بكامل الحرية) و(كامل التصرف)… تجاه المليشيا الإرهابية المجرمة المتمردة ….و ذلك بتصريحه …( اللهبي) .. الداوي …والمجلجل… ( القوات الموجودة هنا والقادة الموجودين هنا عندهم كامل الحرية وكامل التصرف إنهم من هسي يمشوا قدام)…(هسي يعني هسسسي) …يعني بالمختصر المفيد ..وبدون (وجع قلب)…يا سعادات القادة الفي العاصمة الخرطوم. تاني ما عاوزين نسمع (لسة ما جاتنا تعليمات) و(نحن جاهزين لكن التعليمات عند البرهان)…خلاص اليوم البرهان..أزاح جبل من على صدره…. بقراراته (النارية) …يعني … (كسر ليكم الدش في يدكم)…..والبرهان عاوز منكم تسلموه الخرطوم ودارفور وكردفان (نضيييفة تلمع)… وباقي الولايات كمان (كنس ومسح) لكل الخلايا النائمة…والحايمة والقائمة……يعني تاني (المسؤوووولين) من حسم التمرد وإنهائه كليا هم….قيادات الجيش …وقيادات جهاز المخابرات..وقيادات هيئة العمليات….وقيادات الطيران….وقيادات المستنفرين…..ونفهم من كدا أي تلكؤ أو تماطل من أي جهة …على حساب الحسم الفوري والسريع…. تكون تلك الجهة هي( المسؤوووولة)…(مسؤولية مباشرة )… عن التأخير والمماطلة في التعجيل بالنصر الكبير و والفتح المؤزر…والتحرير المحتوم …إن شاء الله…..يعني البرهان (طلق) يدكم كلكم…بتخفيف اللام…. بما فيكم …قيادات الشرطة… و قيادات النيابة العامة…. وقيادات القضاء….كل هؤلاء معنيون بأمر …نظافة الوطن…. من هؤلاء الأوباش الأنجاس والقضاء على (الطوابير الكتييييرة) والعملاء والخونة…. في أقررررررب زمن …الشعب دا خلاص قال (الرووووووب)…. فيا سادة يا قادة…كدا الفريق البرهان مرق منها…(طلع من اللوووووم) وختاها ليكم واااااضحة…. ورونا الشغل (الملمع)….واحتفالات النصر الضااافية الطاغية .. بالتأكيييد … كلنا عارفين و(راصدين) ما قدمته هذه القيادات ( المذكورة أعلاه ) الوطنية الغيورة وما قدمته من شهداء وجرحى وما حققته من كسر شوكة العدو اللدود( والغازي المدمر ) …والانتصارات العظيمة التي حققتها وتحققها يوما بعد يوم ….على مر الأيام…بحسب تكتيكاتهم وخبراتهم وقوة عزيمتهم في المضي قدما حتى القضاء على آخر متمرد …..ولكننا نتوق للحسم النهاااااااااائي….ونرجع بيوتنا …ونعيش سودانيين أحرااااار … لنتفرغ للبناء والتعمير والفرح الكبير.. أما تصريح البرهان. ( المولع) ..(نااار منقد )… والذي هو (نصر كاسح ماسح …نصر يستحق… (تشتيت الحلوى) في كل بيوتاتنا وشوارعنا و ويستحق أن تنصب له كرنفالات فرح الشموخ والإباء و( السودنة) وإطلاق الرصاص عزة وكرامة… لأنه يمثل تحرير السيادة الوطنية وعدم التركيع والخنوع والذل والخضوع …..فهو تصريحه (الفرمان) : ( عندنا سياسيين عملاء بتعرفوهم تاني إلا يشوفوا ليهم بلد غير بلدنا دي)…. معقول يا حبايبنا في زول ما عارفهم؟!!!….غايتو دي (فجخة) في طين لك.. عليك الله يا البرهان ما تنسى تزبط كيفنا (تااااااني). بي قعدة ( الزلابية والقهوة) في الفجرية….خلاص صبح الخلاص قرب .
آمال كباشي✍🏻